Два чароўныя парасоны

Аўтар: Ганс Хрысціян-Андэрсэн.

Жанр: казка для дзяцей і дарослых у 2-х дзеях.

Тэатр прапануе адправіцца ў падарожжа па краіне казак. Павядзе туды славуты казачнік свету – Ганс Хрысціян Андэрсэн. Хлопчыкі і дзяўчынкі, іх бацькі і бабулі сустрэнуць чараўніка Оле-Лукое, працавітага Камінара, ганарлівую Свінку-скарбонку, даверлівага Крата і, вядома ж, стойкага алавянага Салдаціка – герояў некалькіх казак любімага ўсімі казачніка.

У казцы і жыцці заўсёды ёсць месца цудам – трэба толькі верыць. Верыць і разумець, што адданасць Салдаціка, вернасць каханню, самаахвярнасць Балерыны так патрэбны ўсім нам ў жыцці!

Рэжысёр-пастаноўшчык і аўтар інсцэніроўкі – Святлана Навуменка.

Харэаграфія – Вольга Скварцова.

Пластыка — заслужаны артыст РБ Ігар Сігаў.

Прэм’ера — 16 верасня 2012 г.

Працягласць — 1 г. 45 хв.