Ад вольтава слупа да суперкандэнсатара

Батарэйкі і аккумулятары – крыніцы электрычнай энэргіі, якімі мы карыстаемся кожны дзень. Мы так да іх прызвычаіліся, што часам здаецца, быццам яны існавалі заўсёды. Але не ўсе ведаюць, якім складаным шляхам ішлі навукоўцы, каб удасканаліць батарэйку і стварыць яе малодшага брата — акумулятар. Між тым, час ідзе — і акумулятары ўжо не ў поўнай меры адпавядаюць патрэбам людзей. Навукоўцы пачынаюць працаваць над суперкандэнсатарам. І зараз мы з’яўляемся сведкамі гэтай працы. 

Больш падрабязней пра партатыўныя крыніцы энэргіі мы даведаемся 28 красавіка ў 20.00 на лекцыі навуковага супрацоўніка Навукова-практычнага цэнтра па матэрыялазнаўству НАН Беларусі Рыгора Русецкага. Размова пойдзе пра адкрыцці і вынаходніцтвы, без якіх сучаснае жыццё было б не такім камфортным, і складаныя праблемы, якія трэба вырашыць для стварэння больш якасных крыніц энэргіі. Мы разгледзім, што такое суперкандэнсатары, для чаго яны патрэбны і чаму даследванні шматлікіх вучоных з усяго свету звязаны менавіта з імі. А таксама пазнаёмімся з дасягненнямі беларускіх навукоўцаў у гэтай галіне. 

Напрыканцы лекцыі, як заўсёды, мы зазірнем у зорную далеч начнога неба Планетарыя.