Калядкі ў Купалавым доме

11-15 студзеня Дзяржаўны літаратурны музей Янкі Купалы запрашае на “Калядкі ў Купалавым доме”.

13 снежня а 13 гадзіне ў Дзяржаўным літаратурным музеі Янкі Купалы стартуе інтэрактыўная музейна-педагагічная праграма “Калядкі ў Купалавым доме”, якой музей далучыцца да рэспубліканскай дабрачыннай акцыі «Нашы сэрцы – дзецям», якая праводзіцца у рамках агульнарэспубліканскай акцыі «Нашы дзеці» Беларускім дзіцячым фондам ужо 28 раз!

На свята ў музей запрошаны 50 дзяцей-сірот з дзіцячых дамоў сямейнага тыпу Магілёўскай і Віцебскай вобласці, а таксама юныя мінчане з прыёмных і шматдзетных сем’яў. Для маленькіх гасцей і іх бацькоў падрыхтавана цікавая праграма падчас якой мы прапануем:
— даведацца, як беларусы адзначаюць Каляды на працягу апошніх 100 гадоў; 
— павадзіць карагоды з калядоўшчыкамі і Казой;
— паспяваць ды патанчыць;
— прыняць удзел у актыўных гульнях;
— паглядзець лялечны спектакль “У пошуках Снягуркі”;
— адгадаць загадкі Снягурачкі і атрымаць прыз!
— зрабіць елачку сваімі рукамі і атрымаць падарунак ад Дзеда Мароза!!!
— заспяваць разам песню “Узышла ў лесе елачка” у перакладзе Янкі Купалы на беларускую мову.

Адчуць радасць надыходзячага чароўнага свята, напоўніць сям’і цяплом агульных пазітыўных уражанняў, акружыць клопатам тых дзяцей, хто застаўся без родных бацькоў – важная частка навагодніх і калядных добрых спраў.

Праграма прапануецца да прагляду (па папярэднім запісе) усім жадаючым ва ўзросце ад 5 да 11 гадоў да 19.01.2019!
Телефон: 8 017 327 78 66